Tok Pisin
 Finnish Homepage |
Baibelstadi / Bible study | Links |
Marimari na sori bilong God
i ken i stap wantaim yu husat i rit long dispela tok. Em i marimari bilong God olsem na mipela i ken opim dispela webpeis long tok pisin. Nau husat manmeri long Papua Niu Gini i gat internet koneksen i ken rit long dispela tok. Bai mipela i prea long ol dispela tok i ken karin gutpela save na amamas long bel bilong yu.
Em i winim 20 yia pinis taim mipela i lusim Papua Niu Gini na i kam kamap long as ples bilong mipela long Finland long Yurop. Olsem na mipela i save tingim yet long dispela taim bilong bipo na amamas long olgeta samting Jisas Krais i bin mekim namel long ol lain bilong Papua Niu Gini. Tru Papa God i laikim olgeta manmeri bai i tanim bel na i kisim laip i stap gut oltaim oltaim.
Olsem na dispela wok bilong bringim gutnius i stap yet. Sampela lain manmeri i no save long Jisas yet. Long dispela as tasol mipela i bin kirapim dispela websait bilong tok bilong God i ken kirapim tingting bilong ol manmeri. Olsem na mipela i prea bai God i ken blesim olgeta dispela baibelstadi i stap long dispela websait.
